წესები & პირობები
ბოლო განახლება: 15 ნოემბერი, 2025 წ.
ბოლო განახლება: 03 აპრილი 2026 წ.
საფოსტო და საერთაშორისო ტვირთების გადაზიდვის მომსახურების პირობები
შემსრულებელი: შპს „ANYWAY“ (შემდგომში — „კომპანია“ ან „ენივეიჯი“).
ვებ–გვერდი: www.anyway.ge
იურიდიული მისამართი: თბილისი, რომან მიმინოშვილის ქ. №6
საკონტაქტო: 032 2 560 707 | info@anyway.ge
1. ზოგადი პირობები
1.1. მოცემული დოკუმენტი წარმოადგენს საჯარო შეთავაზებას და არეგულირებს კომპანია ენივეიჯი-ს და მომხმარებლის ურთიერთობას.
1.2. კომპანია ენივეჯი-ს პლატფორმაზე რეგისტრაცია არის ნებაყოფლობითი და უფასო.
1.3. რეგისტრაციის შემდეგ მომხმარებელს ენიჭება უნიკალური ID ნომერი, რომელიც ტვირთის იდენტიფიკაციის ერთადერთი საფუძველია.
1.4. მომსახურებით სარგებლობა ნიშნავს, რომ მომხმარებელი სრულად ეცნობა და ეთანხმება მოცემულ პირობებს დამატებითი დადასტურების გარეშე.
2. ტერმინები
მომხმარებელი — ფიზიკური ან იურიდიული პირი, რომელიც სარგებლობს მომსახურებით.
ტვირთი / ამანათი — ნებისმიერი ნივთი, რომელიც იგზავნება ტრანსპორტირებისთვის.
საწყობის მისამართი — კომპანიის მიერ მინიჭებული მისამართი ჩინეთში.
ტრანსპორტირება — ტვირთის გადაზიდვის პროცესი ერთ ქვეყნიდან მეორეში. ჩინეთი - საქართველო.
დეკლარაცია — საბაჟო დოკუმენტი, სადაც განისაზღვრება გადასახდელები.
დაზიანება — ფიზიკური დეფექტი, რომელიც მიღებულია ტრანსპორტირებისას.
3. პერსონალური მონაცემების დაცვა
3.1. კომპანია ამუშავებს მომხმარებლის მონაცემებს საქართველოს კანონის „პერსონალურ მონაცემთა დაცვის შესახებ“ შესაბამისად.
3.2. მონაცემები გამოიყენება მხოლოდ მომსახურების შესასრულებლად.
3.3. მესამე პირს ინფორმაცია გადაეცემა მხოლოდ:
კანონით გათვალისწინებული მოთხოვნის საფუძველზე;
საბაჟო და ტრანსპორტირების სერვისის შესრულებისთვის აუცილებელი შემთხვევებში.
4. მომსახურების არსი
კომპანია ახორციელებს:
ამანათების მიღებას უცხოეთის საწყობში;
ტრანსპორტირებას (საჰაერო, სახმელეთო, საზღვაო);
საბაჟო დეკლარირებას (საჭიროების შემთხვევაში);
ტვირთის გაცემას მისამართზე ან ოფისში.
კომპანიის პასუხისმგებლობა ვრცელდება მხოლოდ იმ მომენტიდან, როდესაც ამანათი დაფიქსირდება საწყობის სისტემაში.
5. აკრძალული და შეზღუდული ტვირთები
5.1. აკრძალულია ტრანსპორტირება:
იარაღის,იარაღის ნაწილის, ნარკოტიკის, საკვების, ფალსიფიცირებული პროდუქციის, ბატარეების გარკვეული ტიპების და სხვა ნივთების.
სრული სია მოცემულია ვებ–გვერდზე.
5.2. ეჭვის შემთხვევაში კომპანია უფლებას იტოვებს:
მოითხოვოს დოკუმენტები;
შეაჩეროს ან უარი თქვას მომსახურებაზე.
6. ტარიფები და გადახდის წესი
6.1. მომსახურების ღირებულება საჰაერო ტრანსპორტირების დროს განისაზღვრება რეალური ან მოცულობითი წონის მაქსიმუმით. ხოლო სახმელეთო და საზღვაოს შემთხვევაში აქციის პერიოდში 30 კგ-მდე ტვირთებზე ტარიფი ითვლება მხოლოდ რეალური წონით.
6.2. მოქმედებს უახლესი ფასები, რომლებიც გამოქვეყნებულია www.anyway.ge-ზე.
6.3. გადახდა ხორციელდება ამანათის გაცემამდე.
6.4. დავალიანების არსებობის შემთხვევაში კომპანია უფლებას იტოვებს:
შეაჩეროს სხვა ამანათების გაცემა;
შეაჩეროს მომხმარებლის მომსახურება.
7. შეფუთვა, შემოწმება და დაზიანება
7.1. მომხმარებელი ვალდებულია უზრუნველყოს სათანადო შეფუთვა. რეისის გამოგზავნამდე, კომპანიას მიაწოდოს შესაბამისი ცნობები ამანათის ან ტვირთის შესახებ და მოახდინოს მისი სრულყოფილი დეკლარირება. წინააღმდეგ შემთხვევაში, ამანათის/ტვირთის ტრანსპორტირება ვერ მოხდება საქართველოში. აგრეთვე მისცეს მითითებები, რომლებიც აუცილებელია გადაზიდვის დოკუმენტების გასაფორმებლად, მიაწოდოს აუცილებელი ცნობები საბაჟო და სხვა მოქმედებათა შესასრულებლად. გარდა ამისა, შემკვეთმა კომპანიას უნდა გადასცეს აუცილებელი დოკუმენტები აღნიშნული ცნობების უტყუარობის დასადასტურებლად. საფრთხეშემცველი ან მსხვრევადი ტვირთის არსებობისას, შემკვეთმა წინასწარ უნდა გააფრთხილოს კომპანია ტვირთის ზუსტი სახეობის შესახებ ელ-ფოსტით და აუცილებლობის შემთხვევაში, მიუთითოს მას უსაფრთხოების ზომებზე წინასწარ, ამანათის გამოწერამდე. ტვირთი, რომლის საფრთხეშემცველობის შესახებ არ იცოდა კოპმანიამ, შეიძლება ნებისმიერ დროს და ნებისმიერ ადგილას გადმოიტვირთოს, განადგურდეს ან გაუვნებელდეს ზიანის ანაზღაურების მოვალეობის დაუკისრებლად. შემკვეთი ვალდებულია, თუ ამას მოითხოვს ტვირთის სახეობა, შეაფუთვინოს იგი გადაზიდვის მოთხოვნების შესაბამისად. შემკვეთი ვალდებულია ამანათის მიღებამდე გადაამოწმოს ამანათის შიგთავსი. ოფისიდან გასვლის შემდეგ პროდუქციის დაზიანების შესახებ პრეტენზიები აღარ განიხილება და კომპანია არ აიღებს პასუხისმგებლობას ამანათში არსებული პროდუქციის შესაძლო დაზიანებაზე ან დანაკლისზე. შემკვეთი ვალდებულია, დაზიანებული ან უკვე გახსნილი ამანათის მიღების შემთხვევაში, არ ჩაიბაროს ამანათი და ამის შესახებ კომპანიის წარმომადგენელს წინასწარ აცნობოს, ხოლო თუ ფილიალში წარმომადგენელი არ იმყოფება, კომპანიის ცხელ ხაზს დაუკავშირდეს და საკითხის გარკვევამდე ამანათი ფილიალიდან არ გაიტანოს. ასეთი ამანათის გახსნის ან ფილიალიდან გატანის შემდეგ, კომპანია მოიხსნის პასუხისმგებლობას ამანათის შიგთავსის, ანუ პროდუქციის ხარისხზე, ნაკლზე ან დანაკლისზე.
7.2. მსხვრევადი ნივთები უნდა იყოს მონიშნული შესაბამისი სტიკერით.
7.3. კომპანია არ არის პასუხისმგებელი არასათანადოდ შეფუთული ნივთების დაზიანებაზე.
7.4. საწყობში შეიძლება განხორციელდეს:
აწონვა, სკანირება, ფოტოფიქსაცია, დათვალიერება გარეგნულად.
8. საბაჟო პროცედურები
8.1. მომხმარებელი პასუხისმგებელია ნივთის ღირებულების და დასახელების სისწორეზე.
8.2. დეკლარაცია სრულდება საქართველოს საბაჟო კანონმდებლობის ფარგლებში.
8.3. მომხმარებლის მიერ არასწორი მონაცემის მიწოდების შემთხვევაში ჯარიმა ეკისრება მომხმარებელს.
9. დაკარგვა და ანაზღაურება
9.1. ამანათი ითვლება დაკარგულად, თუ მისი ადგილმდებარეობა არ დგინდება 90 დღეში.
9.2. ანაზღაურება ხდება მხოლოდ იმ შემთხვევაში, თუ ნივთი იყო დეკლარირებული.
9.3. დაუდეკლარირებელ გზავნილზე კომპანია პასუხისმგებლობას არ იღებს.
10. მიწოდება და შენახვა
10.1. ამანათი გაიცემა ოფისში ან კურიერით. საკურიერო მომსახურების შემთხვევაში, მას შემდეგ, რაც კურიერი ოფისიდან გაიტანს ამანათს, კომპანია ენივეიჯი-ს პასუხისმგებლობა ამანათზე აღარ ვრცელდება. ამ ეტაპიდან სრულ პასუხისმგებლობას იღებს საკურიერო კომპანია.
10.2. საწყობში შენახვა უფასოა 14 დღემდე, შემდეგ მოქმედებს შენახვის ტარიფი.
11. ფორმს-მაჟორი
კომპანია არ არის პასუხისმგებელი მომსახურების შეფერხებაზე:
ომის, ეპიდემიის, ავიარეისების გაუქმების, საბაჟო კონტროლის გაძლიერების, სტიქიური უბედურების ან ნებისმიერი გარემოებების დროს, რომლებიც არ ექვემდებარება კონტროლს.
12. იურიდიული ძალა და დავები
12.1. ყველა დავა გადაწყვედება სასამართლოში, საქართველოს მოქმედი კანონმდებლობით
13. დოკუმენტის ცვლილება
13.1. კომპანია უფლებას იტოვებს შეიტანოს ცვლილებები პირობებში ცალმხრივად.
13.2. განახლებული ვერსია თავსდება ვებ-გვერდზე და ძალაში შედის განთავსებისთანავე.
14. მომხმარებლის ქცევის სტანდარტები
მომხმარებლის ან მისი წარმომადგენლის მხრიდან დაუშვებლად ითვლება:
შეურაცხმყოფელი, დამამცირებელი ან აგრესიული გამონათქვამების გამოყენება;
კომპანიის ინტერესების საწინააღმდეგო ნებისმიერი ქმედება;
ცრუ, დაუზუსტებელი ან კომპანიის იმიჯისა და საქმიანი რეპუტაციის შემლახავი ინფორმაციის გავრცელება;
სხვა საექსპედიტორო ან კონკურენტი კომპანიის პირდაპირი ან ირიბი რეკლამირება;
კომპანიის ან მისი თანამშრომლების მიმართ არასათანადო კომუნიკაცია — წერილობით, სატელეფონო ზარით, ჩათით, სოციალურ ქსელში კომენტარებით, გამოქვეყნებით ან კომუნიკაციის ნებისმიერი სხვა არხით.
რეგლამენტის დარღვევის შემთხვევაში კომპანია უფლებას იტოვებს:
მომხმარებლის მომსახურება შეწყვიტოს დაუყოვნებლივ და უპირობოდ;
მომხმარებლის მიერ გამოქვეყნებული/განთავსებული კონტენტი წაშალოს და საჭიროების შემთხვევაში მომხმარებელი დაბლოკოს კომპანიის ყველა ელექტრონულ პლატფორმაზე.
14.1 მომსახურებაზე უარის თქმის უფლება
კომპანია უფლებას იტოვებს უარი თქვას მომსახურების გაწევაზე იმ პირების მიმართ, რომლებიც თავად წარმოადგენენ სხვა საექსპედიტორო კომპანიას ან დაკავშირებულნი არიან მასთან, მათ შორის არიან მისი დამფუძნებლები, დირექტორები, პარტნიორები, მენეჯმენტის წარმომადგენლები ან თანამშრომლები
15. კომპანია არ არის პასუხისმგებელი იმ ამანათების დროულ ასახვაზე ან მიღებაზე, რომლებიც ჩინეთის საწყობში არასამუშაო საათებშია ჩაბარებული. ასეთი ამანათების ასახვა და მიღება აისახება საწყობის სამუშაო რეჟიმის შესაბამისად, პირველი სამუშაო დღის განმავლობაში, ოპერატიული გადამუშავების წესით.
ამასთან, თითოეული ამანათი რეისზე გადაიგზავნება მხოლოდ მომხმარებლის მიერ მისი დეკლარირების შემდგომ, და გადამისამართდება/გაიგზავნება რიგის დაცვის პრინციპით – ანუ, იმ თანმიმდევრობით, როგორც დადასტურდება და დამუშავდება
16. საბოლოო დებულება
მომხმარებლის მიერ სერვისით სარგებლობა ნიშნავს დადასტურებულ და უპირობო თანხმობას ამ პირობებთან.
ცვლილებები წესებსა და პირობებში 03.04.2026-ის მდგომარეობით
- ამანათის ჩაბარება და მიღება საწყობში
ამანათი ჩაითვლება კომპანიის მიერ მიღებულად მხოლოდ იმ მომენტიდან, როდესაც იგი ფიზიკურად დაფიქსირდება კომპანიის საწყობში.
ყველა მიღებულ ამანათზე ფიქსირდება კომპანიის თანამშრომლის ხელმოწერა და/ან შესაბამისი ელექტრონული დადასტურება, რაც წარმოადგენს მიღების ოფიციალურ საფუძველს.
გამყიდველის ან საკურიერო კომპანიის მიერ მიწოდების სტატუსი („Delivered“) არ ნიშნავს ავტომატურად კომპანიის მიერ ამანათის მიღებას.
საწყობში ასახვის ვადა:
ამანათის ასახვა სისტემაში ხდება 3 სამუშაო დღის განმავლობაში.
აღნიშნული ვადა შეიძლება გაიზარდოს შემდეგი გარემოებების არსებობისას:
• საწყობის დატვირთულობა;
• არასრული ან არასწორი მისამართი;
• ამანათის იდენტიფიკაციის სირთულე;
• ტექნიკური ან ლოგისტიკური შეფერხებები.
- სავალდებულო დეკლარირება (48 საათი)
მომხმარებელი ვალდებულია, მის პირად კაბინეტში ასახული ამანათი 48 საათის განმავლობაში სრულად და სწორად დაადეკლარიროს.
დეკლარაციისას აუცილებელია:
• საქონლის ზუსტი დასახელება
• რეალური ღირებულება
• შეძენის წყარო
• რაოდენობა
არასწორი ან არასრული დეკლარირების შემთხვევაში პასუხისმგებლობა სრულად ეკისრება მომხმარებელს, მათ შორის:
• საბაჟო შეფერხება
• დამატებითი ხარჯები
• ჯარიმები
თუ დეკლარირება არ განხორციელდა 48 საათში:
• ამანათი დაიტვირთება არსებული მონაცემებით
• დაემატება 20 ლარიანი ჯარიმა - ტრანპორტირების ღირებულებაზე.
• კომპანია არ აგებს პასუხისმგებლობას შედეგებზე.
- ტრანსპორტირების მიმართულების ცვლილება
საწყობში უკვე დაფიქსირებული ამანათის ტრანსპორტირების მიმართულების შეცვლა არ განხორციელდება.
საწყობში ამანათი ფიქსირება შეფუთვაზე მითითებული ტრანსპორტირების მიმართულების მიხედვით.
მომხმარებელი ვალდებულია წინასწარ განსაზღვროს ტრანსპორტირების მიმართულება (AWA / AWM / AWK).
- აკრძალული ამანათები
აკრძალული ნივთების შემთხვევაში:
• ტრანსპორტირება არ განხორციელდება
• პასუხისმგებლობა ეკისრება მომხმარებელს
თუ ასეთი ნივთი გამოვლინდა ტრანსპორტირების პროცესში, ან საქართველოში ჩამოსვლისას:
• ამანათი არ გადაეცემა მომხმარებელს
- ტრანსპორტირების ვადები
ტრანსპორტირების სავარაუდო ვადა: 25–30 დღე (საორიენტაციო).
კომპანია არ არის პასუხისმგებელი დაგვიანებაზე, რომელიც გამოწვეულია:
• საბაჟო რიგებით
• ამინდით
• ლოგისტიკური შეფერხებებით
• სახელმწიფო / საბაჟო კონტროლით
- საბაჟო პროცედურები
ამანათი შეიძლება გარკვეული პერიოდი იმყოფებოდეს საბაჟო კონტროლის ქვეშ, რაც არ არის დამოკიდებული კომპანიაზე.
აღნიშნული პერიოდი არ წარმოადგენს კომპანიის პასუხისმგებლობას.
- გაბარიტული ამანათები
60 სმ-ზე დიდი ამანათები გაიცემა მხოლოდ ისნის საწყობიდან.
30 და 30-კგ-ის ზემოთ ამანათის ტრანსპორტირების დაანგარიშების წესი- ტრანსპორტირების თანხა დაითვლება რეალურ წონას და მოცულობით წონას შორის უდიდესით.
📌 გაცემა: გაბარიტული ამანათების გაცემის დრო უნდა შეთანხმოთ კომპანიასთან.
- ტრანსპორტირების საფასური
მომხმარებელი ვალდებულია გადაიხადოს სრული თანხა ამანათის გაცემამდე.
თუ ერთი ამანათის თანხა არ არის გადახდილი:
შეჩერდება ყველა ამანათის გაცემა
- სამუშაო საათები
საქართველო (ოფისი):
შაბათი 10:00 – 14:00
• ამანათის გატანა: 18:30-მდე
• შაბათი: 13:30-მდე
არასამუშაო საათებში მესენჯერზე და ტელეფონზე პასუხი ვერ განხორციელდება.
ჩინეთის საწყობი:
- სამუშაო დღეები: ჩინეთის დროით: 09:00 – 18:00
• ასახვა: 09:00 – 16:30 (ჩინეთის დროით)
• საქართველოს დროით: 04:00 – 12:30
• შაბათი/კვირა – დასვენება
- მომსახურების შეწყვეტა
კომპანია უფლებამოსილია დაუყოვნებლივ შეწყვიტოს მომსახურება თუ:
• ადგილი აქვს განზრახ არასწორ დეკლარირებას
• მომხმარებელი არღვევს წესებს და პირობებეს;
• ფიქსირდება შეურაცხმყოფელი ქცევა კომპანიის ან/და კომპანიის თანამშრომლების მიმართ.
- კომპანიის რეპუტაციის დაცვა
ნებისმიერი სახის ცრუ, დაუდასტურებელი, დამაზიანებელი ან შეურაცხმყოფელი ინფორმაციის გავრცელება კომპანიის შესახებ გამოიწვევს:
მომსახურების დაუყოვნებლივ შეწყვეტას
ანგარიშის დაბლოკვას
საჭიროების შემთხვევაში სამართლებრივ რეაგირებას
- წითელ დერეფანში მოხვდერილი ამანათის ჩაბარება:
წითელ დერეფანში მოხვედრილი დეკლარაციის მებაჟე ოფიცრის მიერ - დასრულების დღიდან სამ სამუშაო დღეში მოხდება ამანათის/ების გაცემა.
